Sin l'annunzia d'ina persuna privata ha la surveglianza da chatscha pudì confermar la reproducziun tar il triep da lufs en la part sura da la Mesolcina. Gia l'onn passà han ins pudì fotografar cun ina trapla fotografica lufs giuvens en questa regiun. Il triep vegn designà da qua envi sco triep da Moesola.

Il triep da Moesola è pia sa reproducì gia per la segunda giada cun success. Ins ha pudì observar 4 lufs giuvens. I na po però betg vegnir exclus che quest triep ha survegnì anc dapli lufs giuvens quest onn. Ils lufs giuvens èn vegnids observads glindesdi, ils 18 da fanadur, tranter Mesauc e San Bernardino. Las vischnancas e las organisaziuns turisticas èn vegnidas infurmadas davart l'observaziun. Da princip na vegn la situaziun betg taxada sco privlusa. I sto vegnir resguardà il fegl d'infurmaziun davart il cumportament visavi il luf.