Navigation

Inhaltsbereich

Noss departament cumpiglia sis uffizis en ils secturs infrastructura, energia e mobilitad. Il departament ha actualmain 900 collavuraturas e collavuraturs.

Tar las incumbensas principalas en il sectur infrastructura tutgan tranter auter vias, guaud/privels da la natira, selvaschina ed immobiglias. Las finamiras centralas èn da renovar e da mantegnair las vias da la rait da vias dal Grischun, da tegnair saun il guaud e las populaziuns da selvaschina e da cultivar las populaziuns da peschs persistentamain sin ina basa che garantescha in'existenza. Nossas ulteriuras finamiras èn da metter a disposiziun e da cultivar las immobiglias da l'administraziun chantunala resguardond las pretensiuns da custs e da temp sco er da stgaffir cundiziuns generalas adattadas per il maun public.

Tar las incumbensas principalas en il sectur energia èn nossas finamiras centralas che las resursas aua, energia e lain vegnian duvradas en moda raziunala e persistenta, per ch'ils umans possian viver er en l'avegnir da questas resursas natiralas ed essenzialas.

Tar las incumbensas principalas en il sectur mobilitad tutgan il traffic individual sin vias, sin sendas e sin vias da velo sco er il traffic public cun la viafier e cun il bus. Las finamiras centralas èn d'equipar e da mantegnair las infrastructuras confurm als basegns e da pussibilitar la purschida dal traffic public confurm a la dumonda, per che la populaziun possia sa mover en l'avegnir anc meglier en il Grischun.


Dr. Mario Cavigelli, cusseglier guvernativ

Schef dal Departament d'infrastructura, energia e mobilitad