La stagiun da construcziun 2022 cumenza suenter Pasca. Sin e per lung da las vias chantunalas èn planisads quest onn en total 168 plazzals. Sin 77 da quels plazzals vegn il traffic reglà cun amplas da signal.

La stagiun da construcziun en il chantun Grischun è curta. Ella cumenza suenter Pasca e dura enfin la fin d'atun. Cura che la stagiun finescha per propi dependa da las cundiziuns da l'aura e n'è perquai betg planisabel precisamain. Plazzals chaschunan savens restricziuns per il traffic. Per quel motiv vegnan las lavurs planisadas uschia ch'ils impediments per il traffic restan uschè pitschens sco pussaivel, en spezial durant la stagiun auta da vacanzas.

Ulteriuras infurmaziuns en l'actual Info UCB.