Per entant nagina libra circulaziun per burgaisas e burgais da la Croazia

Il 1. da fanadur 2013 vegn la Croazia ad entrar en la UE. Da l'entrada en la UE na resulta betg automaticamain la libra circulaziun cun la Svizra. La UE e la Svizra han cumenzà cun las tractativas davart l'extensiun da la cunvegna davart la libra circulaziun sin burgaisas e burgais da la Croazia. Cura e sut tge disposiziuns transitoricas che la libra circulaziun per burgaisas e burgais da la Croazia vegn introducida n'è anc betg enconuschent. Burgaisas e burgais da la Croazia na pon perquai anc adina betg profitar da la libra circulaziun er betg suenter l'entrada en la UE. Per la pratica d'admissiun na sa mida per entant nagut.