Navigation

Inhaltsbereich

Karlihof 

L'uffizi da migraziun e da dretg civil dal Grischun è in uffizi dal departament da giustia, segirezza e sanitad dal Grischun.Per la direcziun da l'uffizi è responsabel lic. Iur. Markus Haltiner. En reguard organisatori è l'uffizi subdividì en quatter partiziuns (organigram):  

  • Entrada, dimora e documents d'identitad
  • Asil e return
  • Natiralisaziuns e dretg civil
  • Integraziun
L'uffizi da migraziun e da dretg civil dal Grischun è incumbensà d'exequir differentas incumbensas da la polizia administrativa. En emprima lingia stat qua l'execuziun dal dretg d'esters e d'asil en il chantun Grischun. A l'uffizi da migraziun e da dretg civil dal Grischun sun suttamess plinavant ils centers da documents d‘identitad. Il center da documents d‘identitad emetta passaports per tut las Svizras ed ils Svizzers cun domicil en il chantun Grischun. 

Il champ d'incumbensas da l'uffizi da migraziun e da dretg civil dal Grischun cumpiglia la finala er parts dals suandants secturs materials e giuridics:

  • natiralisaziuns 
  • dretg civil, en spezial stadi civil e midadas da num
  • integraziun
L'uffizi da migraziun e da dretg civil dal Grischun è ultra da quai cumpetent per l'execuziun dals suandants secturs specifics en il chantun Grischun:
  • Post central Minorens betg accumpagnads (Mineurs Non Accompagnés) (MNA)
  • Post da cussegliaziun en dumondas da rassissem
  • bullaziun e metrologia
  • lottarias
  • polizia da gieus