A 18 onns vegnan clamads tut ils umens svizzers ad in di d'orientaziun tras l'administraziun militara. Per dunnas giuvnas è ina participaziun facultativa.
Al di d'orientaziun survegnis Vus infurmaziuns detaglia-das davart:
- L'andament da la recrutaziun;
- Tut ils geners da truppas da l'armada sco er ils criteris da repartiziun;
- la protecziun da la populaziun sco er las pussaivladads da la repartiziun en la protecziun civila;
- Il servetsch civil da cumpensaziun;
- Il servetsch militar senz'armas;
- Pussaivladads da far carriera;
- Models da servetsch;
- Dretgs ed obligaziuns.
Plinavant discutain nus cun Vus al di d'orientaziun il termin probabel da Vossa scola da recrut e coordinain uschia la recrutaziun precedenta. A la fin dal di d'orientaziun survegnis Vus Voss cudeschet da servetsch. Avant il di d'orientaziun As vegnan tramess intgins documents. Purtai cun Vus per plaschair ils suandants documents:
- Cumond da marschar;
- Questiunari medical emplenì;
- Formular Dumonda termin da la scola da recrut;
- Formular emplenì Controlla da segirtad per persunas obli-gadas da far la mustra (PSP).
Participaziun / spustament
- Il di d'orientaziun è in termin uffizial e la participaziun è obligatorica. Sche il datum dal di d'orientaziun croda sin examens e.u.v., spetgain nus ina dumonda da spusta-ment.
- En cas da malsogna u d'accident ans sto vegnir tramess in attestat dal medi, inditgond la durada probabla da la mal-sogna.
- Persunas grevamain malsaunas o invalidas na ston betg cumparair al di d'orientaziun. Nus As supplitgain d'ans in-furmar e da agiuntar in attestat correspundent dal meidi cun ina diagnosa.
Absenza
Tgi che vegn memia tard u na cumpara betg al di d'orientaziun senza perstgisa, vegn clamà pli tard anc ina giada. Sche quai serepeta, vegn instradada ina procedura penala disciplinara.
Assicuranza
Durant il di d'orientaziun sco er durant il viadi direct vi e nà essas Vus assicurà tras l'assicuranza militara en cas d' accident.
Scumond da drogas, alcohol e da fimar
Durant il di d'orientaziun datti in scumond strict da consu-mar drogas e alcohol. Las pausas da fimar vegnan fixadas.
Alimentaziun
Al di d'orientaziun survegnis Vus gratuitamain in gentar ed ina bavronda.
Ulteriuras infurmaziuns survegnis Vus qua u sut telechar-giar.