En la vegliadetgna è il moviment fitg impurtant. El na tegna betg mo il corp en furma, mabain er il chau alert e l'anim en in bun stadi. Tgi che sa mova regularmain, po durmir meglier, resta pli ditg independent ed ha plirs contacts cun autras persunas. Quai è bun cunter l'isolaziun e rinforza la confidenza en sasez.

Il Post spezialisà per la promoziun da la sanadad lantscha la stad 2026 ina nova fasa da la campagna «sicher gehen». Vischnancas, uniuns ed organisaziuns spezialisadas pon sa participar, per exempel cun empustar il material da la campagna u organisar curs da moviment ed occurrenzas d'infurmaziun. Il Post spezialisà per la promoziun da la sanadad As gida gugent a far la planisaziun.

Gidai a far enconuschenta la pagina d'internet sichergehen.ch. En la pagina chattan persunas pli veglias curs da moviment en lur vischinanza e la pagina dat cussegls e mussa exercizis, co ch'ins po integrar moviment facilmain en la vita da mintgadi. En il chantun restan uschia persunas pli veglias pli ditg activas e segiras sin lur via tras la vita.

Il Post spezialisà per la promoziun da la sanadad As gida gugent a far la planisaziun. Ulteriuras infurmaziuns chattais Vus sut: sichergehen.ch - Campagna da sensibilisaziun davart il tema «Moviment e prevenziun da cupitgas»