Simplamain pudair discurrer ina giada cun insatgi
Persunas pli veglias che pateschan en Svizra da solitariadad u d'isolaziun, survegnan pussaivladads da discurrer nunbirocraticas ed en in rom protegì, nua ch'ellas vegnan motivadas da far ulteriurs pass or da l'isolaziun.
malreden è ina purschida da discurrer per telefon da l'Uniun Silbernetz Svizra per persunas pli veglias, ch'è cuntanschibla mintga di da las 09.00 – 20.00 sut il numer gratuit 0800 890 890.
Voluntarias e voluntaris scolads taidlan, prendan temp, porschan in barat e motiveschan da gidar a sasez. Tut ils discurs èn gratuits, anonims e confidenzials.
Il Post spezialisà per la promoziun da la sanadad sustegna finanzialmain questa purschida e la renda enconuschenta en il Grischun.
Gruppa/s en mira
Persunas pli veglias, posts da contact e da coordinaziun en las vischnancas, persunas spezialisadas, organisaziuns professiunalas
Finamiras dal project
Persunas pli veglias en il Grischun pon sa barattar facilmain e gratuitamain davart ils eveniments quotidians e davart lur stadi psichic.
Persunas pli veglias han access ad in partenadi da discurs a lunga vista e survegnan ulteriuras adressas e contacts da posts spezialisads e d'organisaziuns.
Las collavuraturas ed ils collavuraturs da posts da contact e da coordinaziun da vischnancas, las persunas spezialisadas e las organisaziuns professiunalas enconuschan la purschida e recumondan quella a persunas pli veglias.
Cuntegns da la purschida
- En il chantun Grischun vegn la purschida rendida enconuschenta sur occurrenzas en las vischnancas e sur raits da persunas spezialisadas ed organisaziuns professiunalas
- Spediziun da material d'infurmaziun
- Sensibilisaziun: publicaziun d'artitgels da mussavia e posts da social media, communicaziun ad occurrenzas, organisaziun da furmaziuns supplementaras< /li>
Cundiziuns generalas
- Empustaziun da placats, flyers e cartas da visita
- Communicaziun da la purschida a la gruppa en mira ed a ses appartegnents
- Sensibilisaziun da las collavuraturas e dals collavuraturs davart il tema solitariadad en la vegliadetgna
Link