Cun «find-help GR» chattan persunas che tschertgan agid en il sectur da sanadad e fatgs socials spert e da maniera simpla purschidas da cussegliaziun e da sustegn sco era ils posts responsabels en il chantun Grischun. L’endataziun dal chavazzin e la limitaziun tenor domicil pussibiliteschan da tschertgar purschidas spert tenor accessibladad. La funcziun da tschertgar è concepida uschia che las purschidas en vischinanza stattan en il center tar ils resultats da la tschertga e betg ils purschiders – ina vaira plivalur per persunas che tschertgan agid.
Sco purtaders dal project chantunal èn l'Uffizi da sanadad e l'Uffizi dal servetsch social responsabels cuminaivlamain per la schelta e per l'administraziun da las unitads da datas da «find-help GR». En collavuraziun cun ils purschiders vegnan las purschidas e las indicaziuns da contact controlladas ed actualisadas mintga mez onn.
Grazia a questa collavuraziun pudain nus sustegnair cuminaivlamain persunas che tschertgan agid da chattar simpel e svelt purschidas da cussegliaziun e da sustegn.