Talas armas pon vegnir acquistadas mo cun ina permissiun resp. èn suttamessas ad in'obligaziun da permissiun en il senn da la Lescha d'armas. La permissiun dependa dal tip e da la capacitad dal magasin da l'arma. Exceptada da quai è la surpigliada da l'arma da l'armada suenter avair terminà il servetsch militar.

Disposiziuns per l'acquist d'armas cun ina permissiun d'acquistar armas

Permissiun d'acquistar armas

Model d'ina dumonda per ina permissiun d'acquistar armas

La dumonda sto vegnir inoltrada a la suandanta adressa:

Polizia chantunala dal Grischun
Post spezialisà per armas
Ringstrasse 2
7000 Cuira

A la copia dal contract en scrit stoi vegnir agiuntà il suandant:

• ina copia da la carta d'identitad u dal passaport

Infurmaziun

La dumonda sto vegnir emplenida en moda correcta, cumpletta e bain legibla e vegnir suttascritta. Il Post spezialisà per armas examinescha la dumonda inoltrada.

Schema Acquist d'armas

Broschura (Armas en furma concisa)

Per emplenir, elavurar ed arcunar ils formulars da PDF dovr'ins il Adobe Acrobat Reader che vegn mess a disposiziun gratuitamain. Quel pon ins chargiar giu directamain da la pagina d'internet dad Adobe (https://get.adobe.com/de/reader/). Senza quest tool n'èsi betg pussaivel d'emplenir ed arcunar il formular da PDF al PC u al Mac.

Armas mo cun ina permissiun d'acquistar armas

Armas d'ordonanza persunalas che vegnan surpigliadas directamain da l'Armada (pistolas / schluppets d'assagl)

Pistolas cun ina capacitad dal magasin da maximalmain 20 patronas

Revolvers

Schluppets a repetiziun cun in sistem da levagl sut

Schluppets a repetiziun cun sistem a pumpa (pump action)

Armas d'ordonanza a repetiziun estras che n'èn betg admessas per il tir ordaifer il servetsch

Armas da fieu da maun mez automaticas cun ina capacitad dal magasin da maximalmain 10 patronas

Flintas mez automaticas cun ina capacitad dal magasin da maximalmain 10 patronas

Disposiziuns per l'acquist d'armas u d'accessoris d'armas cun ina permissiun chantunala excepziunala

Tir da sport

Model d'ina dumonda per il tir da sport

Cumprova da la participaziun regulara al tir da sport

A la dumonda per il tir da sport stoi vegnir agiuntà il suandant:

• na copia da la carta d'identitad u dal passaport
• suenter 5 e 10 onns stoi vegnir tramess al Post spezialisà per armas senza vegnir intimà, ina conferma d'ina commembranza en ina societad da tir u da la participaziun regulara al tir da sport

Infurmaziun

La dumonda sto vegnir emplenida en moda correcta, cumpletta e bain legibla e vegnir suttascritta. Il Post spezialisà per armas examinescha la dumonda inoltrada.

Collecziunadras e collecziunaders d'armas

Dumonda per collecziunar armas

Model d'ina cumprova da tegnair en salv las armas en segirezza (documentaziun concept da segirezza)

Model d'ina glista d'armas

A la dumonda per collecziunar armas stoi vegnir agiuntà il suandant:

• ina copia da la carta d'identitad u dal passaport
• cumprova davart las mesiras adequatas per tegnair en salv las armas en segirezza (documentaziun concept da segirezza)
• glista actuala da las armas persunalas (en furma da tabella)

Infurmaziun

La dumonda sto vegnir emplenida en moda correcta, cumpletta e bain legibla e vegnir suttascritta. Il Post spezialisà per armas examinescha la dumonda inoltrada.

Construcziun d'in apparat da mira da notg

Per montar in apparat supplementar cun adapter sin il perspectiv da mira, dovri ina permissiun excepziunala dal chantun. Il motiv è ch'il resultat da questa construcziun è la finala in apparat da mira da notg intact ch'è suttamess ad ina permissiun. Per ils tocs singuls, vul dir per l'apparat supplementar sco er per l'adapter, na dovri betg ina permissiun. La differenza fa l'uschenumnada construcziun d'in apparat da mira da notg funcziunabel sin il schluppet.

Dumonda per ina permissiun excepziunala construcziun d'in apparat da mira da notg

A la dumonda per la construcziun d'in apparat da mira da notg sto vegnir agiuntà il suandant:

• ina copia da la carta d'identitad u dal passaport

Infurmaziun

La dumonda sto vegnir emplenida en moda correcta, cumpletta e bain legibla e vegnir suttascritta. Il Post spezialisà per armas examinescha la dumonda inoltrada.

La dumonda sto vegnir inoltrada a la suandanta adressa:

Polizia chantunala dal Grischun
Post spezialisà per armas
Ringstrasse 2
7000 Cuira

Per emplenir, elavurar ed arcunar ils formulars da PDF dovr'ins il Adobe Acrobat Reader che vegn mess a disposiziun gratuitamain. Quel pon ins chargiar giu directamain da la pagina d'internet dad Adobe (https://get.adobe.com/de/reader/). Senza quest tool n'èsi betg pussaivel d'emplenir ed arcunar il formular da PDF al PC u al Mac.

Acquist d'ina arma da fieu a seria

Per acquistar in'arma da fieu a seria (cumplettamain automatica) sto vegnir contactà il Post spezialisà per armas

Armas ed accessoris d'armas mo cun ina permissiun chantunala excepziunala

(L'acquist è pussaivel per tiraduras e tiradurs da sport sco er per collecziunadras e collecziunaders d'armas)

Pistolas cun ina capacitad dal magasin da passa 20 patronas

Armas da fieu da maun mez automaticas cun ina capacitad dal magasin da passa 10 patronas

Armas da fieu a seria ch'èn vegnidas transfurmadas en armas mez automaticas

Armas da fieu da maun mez automaticas cun moni plegabel u telescopic, che pon vegnir scursanidas ad ina lunghezza totala da main che 60 cm, senza ch'ellas perdian lur funcziunalitad (mo pussaivel cun dumonda per collecziunar armas)

Accessoris d'armas (surdinas, apparats da mira da notg, apparats da mira da laser)