Ils nums geografics da la mesiraziun uffiziala (MU) cuntegnan ils nums dals lieus topografics che vegnan duvrads sin ils nivels d'infurmaziun da la nomenclatura, da la cuvrida dal terren, dals objects singuls e sin il plan da basa.

Dumondas per midar nums gia approvads u per recepir novs nums resp. per stizzar nums sto la vischnanca inoltrar cun agid dal formular da dumonda da midar el register dals nums da la Vischnanca per mauns da la Cumissiun chantunala da nomenclatura. Tar nums che vegnan recepids da nov sto ultra da quai vegnir agiuntà in plan, per ch'ins vesia nua ch'il num sa chatta e tge territori ch'el cumpiglia.

La Cumissiun da nomenclatura è il post spezialisà dal chantun per ils nums geografics da la MU. Ella controllescha, sch'ils nums che figureschan en la dumonda èn linguisticamain corrects, e fixescha la scripziun.