Persunas che tegnan animals d'ungla u cun chalzers, lamas ed alpacas, giaglinom ed avieuls èn obligads da registrar questas tegnidas d'animals al chantun, quai tenor la Lescha davart epidemias d'animals (TSG; SR 916.40). Decisiva en quest connex è la tegnida dals animals e betg la proprietad. Registrads ston er esser ils manaschis che cultiveschan pli che 1 ha terren cultivabel u pli che 30 aras vits u che drovan in certificat da producziun.

Apiculturas ed apiculturs novs ston s'annunziar cun il formular d'avieuls directamain tar l'Uffizi per la segirezza da victualias e per la sanadad d'animals (USVA).