Cun las contribuziuns a la meglieraziun da las relaziuns d'abitar en il territori da muntogna pussibilitain nus a la populaziun en il territori rural da meglierar sia situaziun d'abitar. En emprima lingia vegnan sustegnidas sanaziuns, però er edifizis novs e cumpras pon vegnir resguardads. Il sustegn sa drizza a famiglias en relaziuns finanzialas modestas.

Sin fundament dals meds finanzials chantunals che stattan a disposiziun pudain nus approvar var 20 dumondas da contribuziuns per onn. Nus infurmain las patrunas ed ils patruns davart l'andament dal project e cussegliain en dumondas da la tecnica da construcziun. Nus examinain ils projects da construcziun ed inoltrain la dumonda da conceder contribuziuns al departament cumpetent.