TextID MasterPage.Accessibility.Head.ContentBody (rm-CH) not found

Dretg funsil puril

Alp Flix, © STiS, Lorenz A. Fischer (Autor Lorenz A. Fischer)

Manaschis agriculs e bains immobigliars agriculs

La lescha federala davart il dretg funsil puril (LDFP) regla la correspundenza giuridica cun ils manaschis agriculs e pertutgant bains immobigliars agriculs. Ella ha l'intent da promover la proprietad funsila purila, la cultivaziun persunala da quella e da cumbatter cunter pretschs smesirads per funs agricul.

La lescha cuntegna disposiziuns davart l'acquisiziun da manaschis agriculs e da bains immobigliars agriculs, davart l'impegnaziun da bains immobigliars agriculs sco er davart la partiziun da manaschis agriculs e davart la fragmentaziun da bains immobigliars agriculs.

Permissiuns

L'inspecturat dal register funsil e register da commerzi (IRFRC) è en il chantun Grischun l'autoritad da permissiun da la LDFP. Il IRFRC è cumpetent per conceder permissiuns e per relaschar disposiziuns da constataziun en connex cun las restricziuns da dretg public.

En spezial èn quai:

  • permissiuns d'excepziuns pertutgant il scumond da la partiziun reala e da fragmentar parcellas
  • ermissiuns per l'acquisiziun tras persunas privatas e tras la communitad
  • permissiuns d'excepziuns dal princip da la cultivaziun persunala
  • permissiuns pertutgant il surpassament da la limita d'impegnaziun
  • constataziuns davart la subordinaziun e l'applicaziun
  • constataziuns da la qualitad manaschiala
  • constataziuns da las pussaivladads da gudogn

Autoritad da controlla per il tschains da fittanza

Sco autoritad da controlla per il tschains da fittanza controlla l'inspecturat dal register funsil e register da commerzi (IRFRC) la protesta cunter tschains da fittanza fixads per singuls bains immobigliars agriculs tar l'autoritad da permissiun (art. 43 LFAgr).