Navigaziun principala

Cuntegn da la pagina

Termin d'annunzia per il register da commerzi

Di da referenza betg pussaivel

Tenor l'experientscha vegnan annunziadas fitg bleras restructuraziuns d'interpresas il zercladur ed il december per l'inscripziun en il register da commerzi. Quai chaschuna regularmain accumulaziuns en connex cun l'elavuraziun. Ils mais zercladur e december èn dapi onns ils mais preferids per realisar restructuraziuns. Saja quai l'interpresa singula che duai vegnir integrada en ina ScRL u en ina societad d'aczias fundada da nov, saja quai la fusiun da duas filialas d'in concern fin a separaziuns u midadas. L'inspecturat dal register funsil e register da commerzi survegn durant quels mais surproporziunalmain blers affars da registraziun ch'èn per part fitg cumplexs.

Normalmain communitgain nus in di da referenza per las fatschentas da la fin da l'onn. Sin basa da las circumstanzas extraordinarias pervia dal coronavirus na pudain nus quest onn betg inditgar in di da referenza. Nagin na sa, co che la situaziun sa sviluppa e tge mesiras che vegnan ordinadas. In di da referenza na pudess er betg vegnir observà, sche pliras collavuraturas e plirs collavuraturs daventassan malsauns u vegnissan tramess en quarantina. Las fatschentas che ston vegnir inscrittas obligatoricamain fin la fin da december 2020 recumandain nus d'inoltrar a noss uffizi almain quatter emnas avant la fin da l'onn, e quai en ina furma ch'è pronta per l'inscripziun.