La Cussegliaziun spezialisada per la protecziun d'uffants porscha ina cussegliaziun nuncumplitgada, anonima e gratuita per persunas spezialisadas e persunas da referiment.

• applicaziun da Cumpass: manual e schurnal
• valitaziun da la situaziun
• valitaziun da la necessitad da prender mesiras immediatas e/u mesiras da protecziun
• examinaziun da las intervenziuns gia realisadas
• infurmaziuns davart persunas spezialisadas e posts spezialisads cumpetents
• pussaivladad da discutar il cas en la gruppa da focus per la protecziun d'uffants

Sch'igl è necessari consultescha la Cussegliaziun spezialisada per la protecziun d'uffants ensemen cun Vus la gruppa da focus per la protecziun d'uffants. Quella porscha a Vus ina valitaziun interdisciplinara dad expertas ed experts.

La gruppa da focus sa cumpona d'expertas ed experts spezialisads cun experientscha en il sectur da la protecziun d'uffants. La discussiun dal cas en la gruppa da focus è ina cussegliaziun unica ed anonima. Expertas ed experts da la gruppa da focus sustegnan la valitaziun e fan recumandaziuns resp. preschentan pussaivladads d'agir. Schebain in cas vegn discutà en la gruppa da focus, decida la Cussegliaziun spezialisada.