I n'è betg adina lev da cumbinar il sport da prestaziun ed in emprendissadi. La finamira è quella da coordinar las pretensiuns che vegnan fatgas visavi la scolaziun pratica en il manaschi d'emprendissadi ed en ils curs cumplettants sco er visavi la scolaziun teoretica en la scola professiunala spezialisada cun las pretensiuns che vegnan fatgas visavi las unitads da trenament e visavi las cumpetiziuns.

Il post directiv sustegna giuvenils che han en mira, ultra d'absolver ina furmaziun fundamentala professiunala, da far ina carriera sco sportista u sco sportist da prestaziun. El è l'instanza da contact per giuvenils, per geniturs e per manaschis d'emprendissadi.

Ultra da quai tgira il post directiv in pool da plazzas d'emprendissadi che cuntegna er plazzas d'emprendissadi ch'èn favuraivlas al sport da prestaziun ed el gida giuvnas sportistas e giuvens sportists da prestaziun a tschertgar plazzas d'emprendissadi.