Zum Seiteninhalt

La purschida d'abitar

La purschida al lieu Scalära sa drizza a studentas ed a students sco er a persunas en scolaziun. Las chombras grondas e cleras disponan d'in lavabo e d'ina stgaffa cun spievel. Ellas èn mobigliadas cumplettamain. Ils locals sanitars sa chattan en il corridor e vegnan duvrads cuminaivlamain cun las autras abitantas ed ils auters abitants. L'edifizi ha sin mintga plaun ina cuschina d'abitar cun local da segiurn. Ulteriurs spazis da segiurn sco er balcuns existan sin mintga plaun. Duas maschinas da lavar e dus tumblers stattan a libra disposiziun a las abitantas ed als abitants.

La chombra po vegnir endrizzada tenor agens basegns e po vegnir cumplettada sche necessari cun atgnas mobiglias. Ina giada l'emna vegn la chombra nettegiada, ed il resti da letg vegn midà regularmain. Natiralmain stat a disposiziun a las abitantas ed als abitants in WLAN gratuit en l'entir edifizi.