Cun envidar fieus dal 1. d'avust a chaschun da noss di da la festa naziunala ston intginas reglas vegnir resguardadas.

• Ins sto en mintga cas dar suatientscha a las instrucziuns da las autoritads communalas e dals pumpiers. Tut tenor vischnanca ston fieus dal 1. d'avust vegnir annunziads a l'autoritad cumpetenta.
  
• Resguardar la situaziun da l'aura: nagin fieu en cas d'in privel d'incendis da guaud e da cultira. Privel actual d'incendis da guaud e scumonds actuals da far fieu
• Mo arder laina netta. Per lescha èsi scumandà d'arder ruments en il liber. Latiers tutga er laina veglia d'edifizis spazzads, da palettas, da chistas, da mobiglias, da saivs e.u.v. Quai chaschuna ina denunzia ed in chasti cun multa.
  
• Plunar si la laina pir curt avant ch'ella duai vegnir envidada. Plazzar in giatter enturn il mantun da laina, per che animals pitschens na sa zuppian betg sur notg sut in mantun da laina e crappian en moda crudaivla, cura ch'i vegn envidà il fieu.
  
• Envidar correctamain il fieu: mo duvrar material sitg ed envidar sisum.
• Betg duvrar acceleraders da fieu sco benzin, ieli vegl e.u.v.
• Evitar brasclim: sfender laina radunda, betg duvrar resgim u stalizzas.
• Mai laschar in fieu senza surveglianza. Sch'il vent cumenza a suflar u mida direcziun, po la burnida resp. il brastger tuttenina puspè cumenzar ad arder.

Fieus artifizials dal 1. d'avust han effects secundars nungiavischads. Latiers tutgan en spezial contaminaziuns pli grondas cun substanzas nuschaivlas sco er canera. Dapli en chaussa tar l'Uffizi per la natira e l'ambient sut 1.-August- und Brauchtumsfeuer e tar l'Uffizi federal da l'ambient sut Feuerwerke und Umweltbelastung.