Revitalisaziun da l'En e da l'Ova Chamuera, cun transferiment da la via d'Engiadina, nova trassaziun dals binaris da la Viafier retica sco er d'ulteriurs conducts d'ovras, vischnancas da La Punt Chamues-ch e da Bever, dal december 2025

1. Lieu e durada da l'exposiziun

Dal project d'exposiziun e dal rapport davart la cumpatibilitad ecologica pon ins prender invista dals 12 da schaner fin ils 13 da favrer 2026 tar la chanzlia communala da La Punt Chamues-ch, Via Cumünela 43, 7522 La Punt Chamues-ch, tar la chanzlia communala da Bever, Fuschigna 4, 7502 Bever, sco er tar l'Uffizi per la natira e l'ambient, en l'edifizi administrativ Sinergia, Ringstrasse 10, 7001 Cuira (art. 11 da la Lescha davart la correcziun dals curs d'aua en il chantun Grischun, LCCA; DG 807.700). Durant il temp l'exposiziun pon ils documents vegnir consultads er qua e chargiads giu (ils documents vegnan chargiads giu automaticamain cun cliccar):

Plans (en tudestg)

Projektgenehmigungsgesuch und Pläne

Übergreifende Pläne

Inn

Chamuerabach

Lejet da Saletschas

Binnengewässer

Weg God Spuondas

Wegnetz

Kantonstrasse und ARO-Leitung

RhB

Rapports (en tudestg)

427.27-B.2-00.005 Hauptbericht Umweltverträglichkeitsbericht

427.27-B.2-00.007 Fachbericht Grundwasser

427.27-B.2-00.008 Fachbericht Baugrund und Geologie

427.27-B.2-00.015 Fachbericht Belastete Standorte

427.27-B.2-00.018 Rodungsdossier

427.27-B2-00.001 bis 427.27-B.2-10.834

2. Dumondas per permissiuns spezialas

Las suandantas dumondas fan part dal project d'exposiziun:

• Dumonda da permissiun tenor l'art. 7 al. 1 da la Lescha federala davart la protecziun da las auas (Lescha davart la protecziun da las auas, LPAuas; CS 814.20) per inducir u per laschar sfundrar aua persa smerdada, tractada
• Dumonda da permissiun tenor l'art. 19 al. 2 da la Lescha federala davart la protecziun da las auas (Lescha davart la protecziun da las auas, LPAuas; CS 814.20) per construir edifizis e stabiliments en secturs da l'aua sutterrana spezialmain periclitads
• Dumonda da permissiun tenor l'art. 38 al. 2 da la Lescha federala davart la protecziun da las auas (Lescha davart la protecziun da las auas, LPAuas; CS 814.20) per cuvrir u per metter en bischens auas currentas
• Dumonda da permissiun tenor l'art. 41c al. 1 da l'Ordinaziun davart la protecziun da las auas (OPAuas; CS 814.201) per construir stabiliments en il spazi d'auas, ch'èn dependents dal lieu e ch'èn d'in interess public
• Dumonda da permissiun tenor l'art. 48 al. 1 da la Lescha chantunala davart la protecziun da l'ambient (LCPAmb; DG 820.100) per far intervenziuns en bains immobigliars che figureschan en il cataster dals lieus engrevgiads
• Permissiun excepziunala tenor l'art. 22 al. 2 da la Lescha federala davart la protecziun da la natira e da la patria (LPNP; CS 451) per allontanar la vegetaziun da las rivas
• Dumonda da permissiun tenor l'art. 29 da la Lescha chantunala davart la protecziun da la natira e da la patria (LNPGR; DG 496.000) per far intervenziuns en objects protegids dal chantun
• Dumonda da permissiun dal dretg da pestga tenor l'art. 8 al. 1 da la Lescha federala davart la pestga (LFP; CS 923.0) sco er tenor l'art. 19 da la Lescha chantunala da pestga (LCP; CS 760.100) per far intervenziuns tecnicas en las auas
• Dumonda da runcar tenor ils art. 5 ss. da la Lescha federala davart il guaud (Lescha dal guaud, LG; CS 921.0)
• Dumonda da permissiun tenor l'art. 18 da la Lescha davart las vias dal chantun Grischun (LVias; DG 807.100) per divergiar da las lingias da construcziun
• Dumonda da permissiun tenor l'art. 44a da la Lescha davart las vias dal chantun Grischun (LVias; DG 807.100) per in edifizi u in stabiliment en, sin u sur las vias chantunalas
• Dumonda da permissiun concernent construcziuns idraulicas tenor l'art. 22 al. 1 da la Lescha davart la correcziun dals curs d'aua en il chantun Grischun (LCCA; DG 807.700)
•  Dumonda da permissiun dal dretg da viafier tenor l'art. 18m da la Lescha federala davart las viafiers (LViafier; CS 742.101)

3. Restricziun dal dretg da disponer

A partir dal di che l'exposiziun è vegnida publitgada uffizialmain, dovran ils projects da construcziun entaifer il territori ch'è cumpiglià dal project ina permissiun dal Departament d'educaziun, cultura e protecziun da l'ambient dal Grischun. Questa permissiun vegn concedida, sch'il project da construcziun n'ha naginas consequenzas engrevgiantas per l'acquist da terren u per la realisaziun dal project (art. 12 LCCA).

4. Protestas
4.1 Legitimaziun

Tgi ch'è pertutgà dal project d'exposiziun e po far valair in interess degn da protecziun per abolir u per midar quel, ha il dretg da far protesta. Il dretg da far protesta han plinavant las vischnancas pertutgadas e tgi ch'è autorisà tras il dretg federal da far quai.

4.2 Objecziuns

Vegnir fatgas valair pon:

• protestas cunter il project, spezialmain protestas cunter il project da construcziun e cunter las dumondas respectivas per ulteriuras permissiuns spezialas ch'èn colliadas cun quel sco er cunter in'expropriaziun previsa e cunter sia dimensiun;
• dumondas d'indemnisaziun, en spezial pretensiuns per ils dretgs che vegnan fatgs valair ed autras pretensiuns che resultan dal dretg chantunal d'expropriaziun. Questas dumondas vegnan rectifitgadas suenter l'approvaziun dal project en la procedura per l'acquist da terren.

4.3 Termin ed adressat

Protestas ston vegnir inoltradas en scrit entaifer il temp d'exposiziun e cun ina motivaziun a l'Uffizi per la natira e l'ambient, Ringstrasse 10, 7001 Cuira.

Sche pretensiuns d'indemnisaziun vegnan fatgas valair posteriuramain, ston vegnir respectadas las consequenzas da la negligientscha tenor l'art. 17 da l'Ordinaziun chantunala d'expropriaziun (OExp; DG 803.110).