Permissiun tenor la legislaziun davart la protecziun da las auas per dismetter / deponer naiv netta da la rumida dal plazzal Punt dal Gall da las Ovras electricas d'Engiadina SA en il sectur da la riva dal Lai da Livign, Vischnanca da Zernez; exposiziun publica

Permissiun per inducir aua persa netta tenor l'art. 4 lit. d, e ed f, l'art. 6, l'art. 7 al. 2 e l'art. 42 al. 2 da la Lescha federala davart la protecziun da las auas (Lescha davart la protecziun da las auas, LPAuas; CS 814.20), tenor l'art. 3, l'art. 6, l'agiunta 2 e l'agiunta 3.3 cifra 1 da l'Ordinaziun davart la protecziun da las auas (OPAuas; CS 814.201), tenor l'art. 11 e l'art. 14 al. 2 da la Lescha introductiva tar la Lescha federala davart la protecziun da las auas (Lescha chantunala davart la protecziun da las auas, LCPA; DG 815.100) sco er tenor l'art. 7 lit. b e l'art. 12 da l'Ordinaziun tar la Lescha introductiva tar la Lescha federala davart la protecziun da las auas (Ordinaziun chantunala davart la protecziun da las auas, OCPA; DG 815.200).

Ils 22 d'october 2025 han las Ovras electricas d'Engiadina SA inoltrà la dumonda da dastgar rumir la naiv nunsmerdada en il sectur da la plazza d'installaziun dal plazzal Punt dal Gall al pe dal mir da fermada e da dastgar deponer la naiv sin ina surfatscha da la plazza existenta a la riva dal Lai da Livign.

L'exposiziun publica tenor l'art. 12 OCPA dura dals 5 da december 2025 fin ils 5 da schaner 2026.

La dumonda po vegnir consultada qua e vegnir currida giu. Durant il termin d'exposiziun pon ins prender invista dal dossier fisic tar l'Uffizi per la natira e l'ambient en l'edifizi administrativ sinergia, Ringstrasse 10, Cuira.

Protestas ston vegnir inoltradas en scrit entaifer il termin d'exposiziun a l'Uffizi per la natira e l'ambient, Ringstrasse 10, 7001 Cuira.