Co ans cumportain nus?
consequento
Nus exequin las prescripziuns da la legislaziun davart la protecziun da l'ambient en moda consequenta e giuditgain novs projects e novas planisaziuns conscienziusamain areguard las consequenzas per l'ambient.
equilibranto
Nua che la legislaziun lascha ina tscherta libertad d'agir, persequitain nus las finamiras da la protecziun da l'ambient e tschertgain l'equiliber cun aspects economics e socials. Per il Grischun sco lieu d'abitar, da far vacanzas e da lavurar creain nus uschia in avantatg economic.
prospectiv
Ils interess da la natira e da l'ambient a temp faschain nus valair a temp en ils process da decisiun politics. Nus furnin latiers las infurmaziuns necessarias, elavurain las basas e preschentain noss punct da vista cun cumpetenza professiunala.
effizient
Nus elavurain en moda effizienta ils plans ed ils projects e terminain quels uschè svelt sco pussaivel.
cooperativ
Nus tgirain la collavuraziun ed il dialog cun auters uffizis, vischnancas, petentas e petents, federaziuns. Nus infurmain las medias e la populaziun davart nossas finamiras e mesiras sco er davart il stadi da la protecziun da l'ambient.
Visiun – Tge vulain nus cuntanscher?
protecziun da l'ambient
En la protecziun da l'ambient mantegnain nus il stadi cuntanschì ed adattain quel cuntinuadamain a novas enconuschientschas. En almain duas disciplinas d'ambient avain nus ina posiziun sco chantun da referenza.
protecziun da la natira
Il mantegniment e la colliaziun da territoris natirals realisain nus cun tut ils meds disponibels e sustegnain da stgaffir e da sviluppar parcs natirals sco er reservats da biosfera.
svilup persistent
Entaifer l'uffizi realisain nus consequentamain ils princips dal svilup persistent ed als duvrain sco basa per nossas decisiuns e per nossas activitads.
cumpetenza
Nus vegnin percepids sco center da cumpetenzas per tut las dumondas da l'ambient, da la natira e da la cuntrada sco er dal clima.
cooperaziun
Ensemen cun auters posts da servetsch uffizials e cun gruppas d'interess externas stabilin nus ina collavuraziun productiva.