Navigation

Inhaltsbereich

La trilinguitad dal Grischun

Cun las linguas tudestg, rumantsch e talian è il chantun Grischun l’unic chantun triling en Svizra. Questa singularitad sa reflectescha er en ina lescha da linguas ch’exista dapi l’onn 2006 e l’ordinaziun da linguas correspundenta. Il post spezialisà per la plurilinguitad rinforza la trilinguitad sco element essenzial dal chantun.

  • Nus sensibilisain ils departaments ed ils uffizis chantunals da realisar las disposiziuns legalas da linguas
  • Nus cussegliain acturs externs da l’administraziun e partenaris tar dumondas en connex cun la realisaziun da la lescha da linguas
  • Nus elavurain propostas da mesiras per promover las linguas en il chantun
  • Nus colliain las organisaziuns linguisticas, il departament, ils uffizis, ils posts spezialisads ed ils instituts chantunals areguard la promoziun da linguas
  • Nus visualisain realisaziuns che mussan la trilinguitad dal chantun
  • Nus coordinain projects interdepartamentals davart la promoziun da linguas

Post spezialisà (preschentaziun)