L'autezza dals stipendis dependa dals custs imputabels e da las entradas che ston vegnir resguardadas. Tant ils custs sco er las entradas vegnan calculads tenor l'ordinaziun da stipendis. Per quest motiv po questa dumonda vegnir respundida mo, sche la dumonda da stipendis è vegnida inoltrada uschia, ch'ella è emplenida cumplettamain e ch'ella cuntegna tut ils documents necessaris.

Calculatur da stipendis

Il calculatur da stipendis duai servir ad infurmar la persuna en furmaziun, sch'i fa senn d'inoltrar ina dumonda per stipendis.

→ Vinavant tar il calculatur da stipendis

Indicaziuns giuridicas:

Las indicaziuns e las furmlas da calculaziun da quest calculatur da stipendis èn vegnidas fatgas e controlladas tenor meglier savair e pudair. En cas da sbagls, d'intschertezzas e da cuntradicziuns valan las disposiziuns legalas. La calculaziun vegn fatga senza garanzia. Utilisond quest calculatur da stipendis na pon vegnir fatgas valair – ni envers il chantun Grischun ni envers terzas persunas – naginas pretensiuns giuridicas da survegnir tschertas prestaziuns u lur indemnisaziuns.
Per determinar, sch'in stipendi po vegnir concedì u betg, èsi necessari d'inoltrar la dumonda da stipendis (vesair il formular da dumonda).