"La provinza autonoma taliana cumbina il clima alpin cun quel mediterran ed è enconuschenta sin l'entir mund per ses vins excellents e per sia buna maila."

Las Dolomitas n'èn betg vegnidas inscrittas mo casualmain en la glista dal patrimoni natiral mundial da la UNESCO. En questa cuntrada natirala unica, enconuschenta sin l'entir mund per ses panoramas impressiunants e per ses ecosistem prezius, vivan l'uman e la natira ensemen en armonia dapi millennis. Il Trentino, ina pitschna provinza autonoma en il center da quest spazi natiral custaivel, porscha a ses giasts derivants da l'Italia e da l'exteriur dapi ditg ina infrastructura turistica moderna. Stgazis da la natira unics spetgan las visitadras ed ils visitaders: guauds, lais, grippa e torrents. In dals territoris ils pli enconuschents dal mund è senza dubi il Lai da Garda, dal qual la part la pli al nord è situada en il Trentino. Il clima miaivel durant l'entir onn e las particularitads da la cuntrada che dastgan valair sco tachel Mar Mediterrana al pe da las Dolomitas, rendan il Lai da Garda ina destinaziun appreziada per amaturas ed amaturs da sport ma er per persunas che tschertgan recreaziun senza stuair desister dal stil da vita talian.

Numerusas occurrenzas culturalas excellentas cumpletteschan durant la stad las ovras d'art preziusas sco ils chastels, las baselgias, las turs ed ils lieus da stgavaments archeologics. Da menziunar èsi er ils products agriculs sco la maila, enconuschenta sin l'entir mund, u ils excellents vins alvs e cotschens.

Recept dal Trentino: Smacafam

Ingredienzas: 250 g farina da furment tip 00, 50 g farina da furmental, 1/2 l latg, 1 tschadun grond ieli d'ulivas extravergine DOP Garda-Trentino, 200 g liongia frestga dal Trentino "Luganega", 30 g panzetta fimentada dal Trentino, 30 g charnpiertg dal Trentino, sal tenor gust, paiver tenor gust

Preparaziun: Maschadar las duas sorts farina en ina cuppa. Tagliar la charnpiertg en quadrins e stufar, maschadar cun il latg, cun in tschadun grond ieli d'ulivas, cun il sal e cun ina mesa liongia "Luganega" sco er cun ina part da la panzetta tagliadas en quadrins. Unscher ina furma d'arom cun paintg e springir cun farina, l'emplenir cun la pasta, tagliar il rest da la liongia en finas talgias e metter ensemen cun il rest da la panzetta sin la pasta. Metter en il furn cun ina chalur da 200° grads durant 40 minutas, laschar daventar la pasta brina aurada. Servir cun legums frestgs (da preferenza dent-liun). Dent liun chattan ins ritgamain vers la fin dal temp da tschaiver, en il qual quest tratg dal Trentino è zunt fitg apprezià. Temp da coier: 1,5 uras

Vin: vin nuvel (Teroldego)