La CRCA è vegnida fundada l'onn 1981 ed ha ils suandants intents:

• accordar e represchentar communablamain interess rurals ed alpins envers la confederaziun, ils chantuns, las federaziuns e la publicitad
• accentuar efficaziamain l'utilisaziun dals territoris rurals e dals territoris da muntogna per la coesiun da l'entir pajais
• collavurar effizientamain cun las administraziuns chantunalas a maun d'infurmaziuns vicendaivlas davart las proximas sfidas per il territori rural e per il territori da muntogna sco er a maun d'ina elavuraziun da propostas da soluziun communablas

Commembers

Commembers da la CRCA èn ils chantuns Grischun, Vallais, Uri, Glaruna, Sutsilvania, Sursilvania e Tessin.

Organisaziun

La conferenza plenara è l'organ suprem da la CRCA e sa raduna quatter giadas per onn. Il presidi mida en intervals regulars tranter ils chantuns commembers.