Navigation

Inhaltsbereich

Sessiun: 20.10.2015
Dacurt han las assicuranzas publitgà las premias da las cassas da malsauns 2016. L'augment da las premias vegn motivà mintga onn principalmain cun in augment dals custs. Per il chantun Grischun valan anc adina trais regiuns da premias cun differentas premias tut tenor l'assicuranza. Tranter la regiun da premias la pli favuraivla e la regiun da premias la pli chara importa la differenza da las premias passa 300 francs per onn tar bleras cassas. Correspundentamain pon ins pia partir dal fatg che er ils custs èn pulit differents en las singulas regiuns da premias. En quest connex supplitgain nus la regenza da respunder las suandantas dumondas:

1. Co èn sa sviluppadas las premias medias ils ultims onns en il chantun Grischun e co è stà quest svilup en cumparegliaziun cun la Svizra?

2. Co èn las regiuns d'ospital attribuidas a las regiuns da premias?

3. Co èn sa sviluppadas las expensas per ils ospitals en il sectur ambulant e staziunar en las singulas regiuns d'ospital?

4. Co èn sa sviluppadas las expensas per il tractament medical da las assicuranzas da malsauns en las singulas regiuns d'ospital?

5. Co èn sa sviluppadas las expensas totalas da las assicuranzas da malsauns en las singulas regiuns d'ospital?

Cuira, ils 20 d'october 2015

Holzinger-Loretz
, Hardegger, Geisseler, Albertin, Alig, Blumenthal, Brandenburger, Buchli-Mannhart, Burkhardt, Caduff, Casanova (Glion), Casty, Caviezel (Tavau Clavadel), Claus, Clavadetscher, Crameri, Danuser, Darms-Landolt, Deplazes, Engler, Fasani, Giacomelli, Gunzinger, Hartmann, Heiz, Hitz-Rusch, Hug, Jenny, Joos, Kappeler, Kasper, Koch (Igis), Kunz (Fläsch), Kunz (Cuira), Kuoni, Lamprecht, Marti, Mathis, Michael (Donat), Michael (Castasegna), Niggli (Samedan), Niggli-Mathis (Grüsch), Noi-Togni, Papa, Pedrini, Steck-Rauch, Steiger, Stiffler (Tavau Plaz), Thomann-Frank, Troncana-Sauer, Valär, von Ballmoos, Weber, Weidmann, Widmer-Spreiter, Wieland, Altmann, Sgier, Tanner

Resposta da la regenza

La regenza respunda las dumondas sco suonda:

1. Las premias medias annualas per persunas creschidas èn sa sviluppadas ils ultims 10 onns sco suonda en il Grischun ed en Svizra:



2. Las vischnancas vegnan attribuidas a las regiuns da premias tras la confederaziun. A la regiun da premias 1 appartegnan las regiuns Plessur e Moesa, a la regiun da premias 2 las regiuns Bernina, Engiadina bassa/Val Müstair, Plaun, Landquart, Malögia e Partenz-Tavau, a la regiun da premias 3 las regiuns Alvra, Surselva e Viamala. La refurma dal territori dal chantun, ch'entra en vigur il 1. da schaner 2016, n'era betg anc vegnida exequida, cur che la confederaziun ha attribuì las vischnancas a las regiuns da premias. Consequenzas ha quai dentant mo per la vischnanca da Haldenstein che mida da la regiun da premias 2 a la regiun da premias 1, cur che la refurma dal territori vegn exequida.

3. Svilup da la media dals custs da l'assicuranza obligatorica per la tgira da persunas malsaunas (AOTM) en ils ospitals, per abitanta u abitant d'ina regiun d'ospital, standardisà tenor vegliadetgna e tenor schlattaina (funtauna: pool da datas assicuranzas LAMal / observatori svizzer da sanadad):





4. Svilup dals custs AOTM dals tractaments en praticas da medis:



5. Svilup da las expensas totalas AOTM tenor regiun d'ospital:



20 da november 2015