Ils 28 da november da l'onn passà han il pievel ed ils chantuns approvà cleramain l'Iniziativa da tgira. En il Grischun – cun 61,7% – è il resultat schizunt stà in pau sur la media svizra. La populaziun ha pia acceptà cleramain ch'i vegnian scolads avunda tgirunzas e tgirunzs, che las cundiziuns da lavur vegnian meglieradas, che las prestaziuns da tgira vegnian indemnisadas commensuradamain, che la relaziun tranter il dumber da tgirunzas e tgirunzs ed il dumber da pazientas e pazients vegnia fixada tenor criteris scientifics e che las tgirunzas ed ils tgirunzs possian quintar giu ina part da lur prestaziuns autonomamain cun las cassas da malsauns.
L'iniziativa n'oblighescha betg mo la Confederaziun, mabain er ils chantuns da realisar las pretensiuns. I fa numnadamain prescha ed igl è impurtant da prender las decisiuns uschè svelt sco pussaivel, per che la qualitad da la tgira ed il provediment da la populaziun sajan garantids er vinavant.
Perquai supplitgeschan las sutsegnadras ed ils sutsegnaders la Regenza da respunder las suandantas dumondas:
- Tge mesiras pon vegnir prendidas per mauns ed implementadas dal chantun tant pli svelt per realisar l'iniziativa?
- Tge basas legalas ston vegnir elavuradas per pudair far avanzar in'offensiva da scolaziun en il chantun?
Cuira, ils 16 da favrer 2022
Rutishauser, Widmer-Spreiter (Cuira), Holzinger-Loretz, Atanes, Baselgia-Brunner, Cahenzli-Philipp, Cantieni, Caviezel (Cuira), Clalüna, Degiacomi, Della Cà, Derungs, Ellemunter, Gartmann-Albin, Hofmann, Horrer, Maissen, Müller (Favugn), Niggli (Samedan), Noi-Togni, Perl, Preisig, Rettich, Thomann-Frank, von Ballmoos, Wilhelm, Bürgi-Büchel, Pajic, Tomaschett (Cuira)