Cuntegn da la pagina

Communicaziun da la regenza dals 10 da zercladur 2010

  • Erste Mitteilung
  • Neuen Beitrag einfügen

En sia ultima sesida ha la regenza grischuna tractà differentas fatschentas da vischnancas e da regiuns sco er deliberà contribuziuns chantunalas ad instituziuns.

Da vischnancas e da regiuns

  • Haldenstein: La regenza ha approvà la revisiun parziala da la planisaziun locala che la vischnanca da Haldenstein ha concludì ils 25 da november 2009 en vista a la construcziun d'in implant d'energia dal vent en il territori "Oldis". L'approvaziun è colliada cun cundiziuns dal dretg da l'ambient, en spezial en connex cun la protecziun dals utschels.
  • Regiun Mesolcina: La revisiun parziala dals statuts da la regiun Mesolcina vegn approvada.
  • Corporaziun regiunala Pro Partenz: La revisiun parziala dals statuts da la corporaziun regiunala Pro Partenz vegn approvada.
  • Surses: La revisiun parziala dals statuts da l'uniun d'interess turistic da las vischnancas dal Surses vegn approvada.

Contribuziuns chantunalas a differentas instituziuns

  • Project da PISA: Suenter la terminaziun dal 4. ciclus (2007 fin 2010) dal studi da PISA (Programme for International Student Assessment) sa participescha il chantun Grischun er en l'avegnir al project internaziunal. Quai ha lieu sco fin ussa en il rom da l'engaschament da la conferenza svizra da las directuras e dals directurs chantunals da l'educaziun publica (CDEP). Per la participaziun dal chantun al project da PISA vegn messa a disposiziun a partir da l'onn 2011 ina contribuziun da 30'000 francs.

Projects da vias
La regenza ha approvà totalmain 980'000 francs per construir e per sanar il suandant traject da via:
- via da l'Alvra: lavurs d'impressari e da cuvrida, Tranter ils Craps – Punt Ota


Gremi: regenza
Funtauna: rg chanzlia chantunala dal Grischun

Neuer Artikel