En sia ultima sesida ha la regenza grischuna tractà differentas fatschentas da vischnancas e da regiuns sco er deliberà contribuziuns chantunalas ad instituziuns.

Da vischnancas e da regiuns

• Bregaglia: La regenza approvescha la revisiun parziala da la planisaziun locala che la vischnanca da Stampa (dapi il 1. da schaner 2010 vischnanca da Bregaglia) ha concludì ils 3 da december 2009. Approvada vegn er la revisiun parziala da la planisaziun locala "Implant da gera Casaccia" che las anteriuras vischnancas da Stampa e da Vicosoprano han concludì ils 3 da december 2009 ed ils 10 da december 2009.
• Flem: La revisiun da la planisaziun locala che la vischnanca da Flem ha concludì ils 29 da november 2009 en reguard a la realisaziun da la surbajegiada gronda "Stennazentrum" vegn approvada.

 
Contribuziuns chantunalas a differentas instituziuns

• Project collectiv "Reparaziun d'ovras da protecziun 2010": Il project "Reparaziun d'ovras da protecziun 2010", in project collectiv da differentas vischnancas, vegn approvà. Il project cumpiglia en tut 35 objects da reparaziun per la protecziun cunter privels da la natira. Als custs vegn garantida ina contribuziun da maximalmain 5'499'000 francs.

Gremi: regenza
Funtauna: rg chanzlia chantunala dal Grischun