Navigation

Inhaltsbereich

  • Erste Mitteilung
  • Neuen Beitrag einfügen
Suenter la sanaziun da l'edifizi da la scola chantunala Halde a Cuira ha l'uffizi da construcziun auta realisà ina concurrenza d'art en il rom dal project "Art a l'edifizi". Per la concepziun artistica da la plazza ch'è situada directamain sur la chaplutta da Son Steffan è vegnì elegì il sboz da l'ovra "hoch hinaus" dal pèr artistic Gabriela Gerber e Lukas Bardill.
 
L'art figurativ duai er en l'avegnir esser preschent e survegnir ina plazza duida en la scola chantunala sanada Halde. Il concept d'art elavurà cumpiglia in program multifar che vegn realisà per l'avertura uffiziala dals 28 d'october 2010. En il center stat la concepziun artistica dal spazi exteriur tranter ils singuls edifizis dal 5. tschientaner ch'èn situads directamain sur la chaplutta da Son Steffan.
 
Per survegnir sbozs interessants d'auta qualitad artistica ha l'uffizi da construcziun auta surdà la primavaira 2010 ina incarica per in studi a 4 artistas ed artists grischuns. Gudagnà la concurrenza ha il pèr artistic Gabriela Gerber e Lukas Bardill cun lur ovra "hoch hinaus".
 
Ils sbozs da las artistas e dals artists vegnan preschentads en la scola chantunala Halde a partir da gievgia, ils 9 da settember 2010. Il rapport da la giuria stat a disposiziun sin www.hochbauamt.gr.ch per chargiar giu.


Infurmaziuns:
Markus Dünner, architect chantunal, uffizi da construcziun auta, tel. 081 257 36 31


Gremi: uffizi da construcziun auta
Funtauna: rg uffizi da construcziun auta
Neuer Artikel