Cuntegn da la pagina

Nominà la nova secretaria dal DECA

  • Erste Mitteilung
  • Neuen Beitrag einfügen
Andrea Stadler, domiciliada a Buchen en il Partenz, è vegnida elegida da la regenza sco nova secretaria dal departament d'educaziun, cultura e protecziun da l'ambient (DECA). Ella cumenza sia plazza l'avust 2012.

La giurista Andrea Stadler, che ha 33 onns e che abita a Buchen, daventa la nova secretaria dal departament d'educaziun, cultura e protecziun da l'ambient (DECA) dal chantun Grischun manà dal cusseglier guvernativ Martin Jäger. Ella cumenza sia plazza per il 1. d'avust 2012 sco successura da Brigitte Brun che surpiglia ina nova sfida professiunala.
Andrea Stadler ha rimnà experientschas professiunalas durant plirs onns a l'universitad da Turitg ed a la dretgira districtuala da Hinwil. A la facultad da giurisprudenza da l'universitad da Turitg ha ella lavurà sco assistenta, tar la dretgira districtuala da Hinwil sco auditura e l'ultim sco actuara. Tar il DECA vegn ella a cussegliar ed a sustegnair il schef dal departament sco er ils posts da servetsch. En spezial è ella responsabla per garantir la qualitad giuridica da las fatschentas.


Infurmaziuns:
cusseglier guvernativ Martin Jäger, schef dal departament d'educaziun, cultura e protecziun da l'ambient, tel. 081 257 27 01


Fotografia agiuntada:
Andrea Stadler
Andrea Stadler, nova secretaria dal departament d'educaziun, cultura e protecziun da l'ambient


Gremi: regenza
Funtauna: rg departament d'educaziun, cultura e protecziun da l'ambient
Neuer Artikel