Zum Seiteninhalt

Inscunter uffizial da quatter persunas politicas a Cuira, numnadamain dals trais schefs da stadi da l'Austria, dal Liechtenstein, da la Germania e da la scheffa da stadi da la Svizra

  • Erste Mitteilung
  • Neuen Beitrag einfügen
Glindesdi, ils 11 da zercladur 2012 sa scuntran – sin invitaziun da la presidenta da la confederaziun Eveline Widmer-Schlumpf – Heinz Fischer, president federal da la Republica da l'Austria, il prinzi ereditar Alois von und zu Liechtenstein e Joachim Gauck, president da la Republica Federala Tudestga, per discurs uffizials a Cuira. La regenza dal chantun Grischun sa legra da questa visita e beneventa cordialmain – ensemen cun il cussegl da la citad da Cuira – ils preziads giasts, lur partenarias e lur partenaris sco er las commembras ed ils commembers da las delegaziuns en noss chantun.

Ils schefs da stadi vegnan retschavids da la presidenta da la confederaziun Eveline Widmer-Schlumpf e da ses consort, Christoph Widmer, da la presidenta da la regenza Barbara Janom Steiner e dal president da la citad da Cuira Christian Boner en la chasa municipala. Suenter la sesida envida la presidenta da la regenza Barbara Janom Steiner per il vin d'onur en la chasa grischa. Alura ha lieu il gentar.

La regenza envida la populaziun da dar in cordial bainvegni als giasts a las 12.00 sin la plazza davant la chasa grischa. Ils preziads giasts duain sa chattar bain a Cuira ed en il Grischun e duain pudair turnar a chasa cun nunemblidaivlas impressiuns positivas.


Gremi: regenza
Funtauna: rg chanzlia chantunala dal Grischun
Neuer Artikel