La regenza grischuna ha nominà las commembras ed ils commembers da las autoritads chantunalas da protecziun da l'uffant e da creschids. Las autoritads cumenzan il 1. da schaner 2013 cun lur activitad operativa e remplazzan las autoritads tutelaras d'enfin ussa.
A partir da l'onn 2013 vala en Svizra il nov dretg da protecziun da l'uffant e da creschids che prescriva – sco gremi da decisiun – in'autoritad spezialisada d'ina cumposiziun interdisciplinara. Questa autoritad substituescha l'autoritad tutelara vertenta. Cun ina revisiun parziala da la lescha introductiva tar il cudesch civil svizzer ha il cussegl grond dal Grischun pussibilità durant la sessiun da december 2011 da realisar il nov dretg federal sin plaun chantunal a partir da l'onn 2013. Dapi alura vegn elavurada l'installaziun da las tschintg autoritads da protecziun da l'uffant e da creschids (APUC) Engiadina/vals dal sid, Grischun central/Moesa, Grischun dal nord, Partenz/Tavau e Surselva.
Suenter avair tschernì las direcziuns da las tschintg APUCs autonomas (communicaziun da la regenza dals 22 da mars 2012), ha la regenza grischuna nominà ussa las suandantas commembras ed ils suandants commembers da las autoritads:
APUC Engiadina/vals dal sid
- Thomas Fent-Steger, domicilià a Zuoz
- Fabiola Monigatti, domiciliada a Puschlav
APUC Grischun central/Moesa
- Marcus Camiu, domicilià a Cuira
- Corrado Gaudenzi, domicilià a Seglias
- Ursula Nobile-Imberti, domiciliada a Mesauc
APUC Grischun dal nord
- Renate Cadruvi, domiciliada a Cuira
- Doris Konrad Ferroni, domiciliada a Panaduz
- Gian-Reto Meier-Gort, domicilià a Malans
- Cyrill Meyer, domicilià a Trimmis
- Martina Näf-Ryffel, domiciliada a Favugn
- Martina Rusch, domiciliada a Cuira
- Peter Vincenz, domicilià a Trimmis
APUC Partenz/Tavau
- Martina Leuthold Lehmann, domiciliada a Tavau Plaz
- Martin Segginger, domicilià a Basilea
APUC Surselva
- Walter Beeli, domicilià a Fidaz
- Christoph Imper, domicilià a Falera
Infurmaziuns:
cusseglier guvernativ Christian Rathgeb, schef dal departament da giustia, segirezza e sanadad, tel. 081 257 25 01
Gremi: regenza
Funtauna: rg chanzlia chantunala dal Grischun