Cuntegn da la pagina

In emprendissadi tar il chantun: Bun per las emprendistas ed ils emprendists – bun per il Grischun

  • Erste Mitteilung
  • Neuen Beitrag einfügen
Da la laboranta fin al cuschinier: Tar l'administraziun chantunala datti plazzas d'emprendissadi fitg multifaras. Cun la nova pagina d'internet www.lehre.gr.ch vegn preschentà il vast spectrum da pussaivladads da scolaziun tar il chantun.

L'administraziun chantunala dal Grischun è ina da las grondas patrunas en il chantun e scolescha var 100 emprendistas ed emprendists. La multifariadad da las plazzas d'emprendissadi vegn dentant savens sutvalitada. La noziun "administraziun" lascha supponer ch'i saja mo pussaivel da far scolaziuns en il sectur commerzial. Ma quai na constat betg. Il chantun porscha numnadamain ina vasta paletta da 16 differents emprendissadis a Cuira ed en las regiuns. Circa la mesadad da las scolaziuns da basa ch'ins po far tar l'administraziun chantunala èn professiuns artisanalas. Il spectrum tanscha da spezialist/-a d'autos fin a creatur/-a da vestgadira. Tut tenor la scolaziun profitan las emprendistas ed ils emprendists d'in uschenumnà sistem da rotaziun ed absolvan lur furmaziun fundamentala professiunala tar differents posts da servetsch. Tgi che terminescha in emprendissadi tar il chantun giauda ina buna reputaziun sco dunna u um da professiun, perquai ch'ella u el è preparà bain per las sfidas professiunalas vegnintas – saja quai entaifer u ordaifer l'administraziun.

Infurmaziuns davart la furmaziun professiunala tar il chantun chattan las interessentas ed ils interessents sin la nova pagina d'internet www.lehre.gr.ch
 

Remartga:
Davart quest tema stat a disposiziun in video sut www.gr.ch
 

Infurmaziuns:
Andri Padrun, cussegliader da persunal, uffizi da persunal, tel. 081 257 32 38 / 079 830 82 77 
 

Gremi: uffizi da persunal
Funtauna: rg uffizi da persunal
Neuer Artikel