Navigation

Inhaltsbereich

  • Erste Mitteilung
  • Neuen Beitrag einfügen
La dretgira administrativa ha approvà parzialmain il recurs da planisaziun e cumplainamain il recurs da dretg administrativ dal chantun.

La regenza ha prendì enconuschientscha dal fatg che la dretgira administrativa dal chantun Grischun è suandada sia argumentaziun en la sentenzia dals 9 d'october 2013. La dretgira administrativa ha decidì che la zona da planisaziun, che la vischnanca da Laax aveva disponì ils 10 da zercladur 2013, saja inadmissibla ed ha fatg las midadas necessarias. En la zona da planisaziun adattada èsi ussa pussaivel da manar in center d'asil. La dretgira administrativa ha perquai incumbensà la vischnanca da Laax da cuntinuar cun la procedura per la permissiun da construcziun ch'era vegnida sistida.
La sentenzia n'è betg anc en vigur. La regenza spera ussa che la vischnanca da Laax demussia ina tenuta constructiva e ch'ella dettia bainprest la permissiun da construcziun, per ch'il center d'asil possia vegnir avert senza ulteriurs retardaments. 

Infurmaziuns: 
- cusseglier guvernativ Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch
- Marcel Suter, manader da l'uffizi da migraziun e da dretg civil, mobile: 079 331 66 62 (a partir da las 14.15), e-mail Marcel.Suter@afm.gr.ch  


Gremi: regenza
Funtauna: rg chanzlia chantunala dal Grischun
Neuer Artikel