Navigaziun principala

Cuntegn da la pagina

Expo Milaun 2015: In purtret dal Grischun, fatg da scolaras e scolars

  • Erste Mitteilung
  • Neuen Beitrag einfügen
In onn avant l'Expo Milaun 2015 sa preschenta il chantun Grischun ils 9 da matg 2014 ad in di grischun a Milaun. Maturandas e maturands da la scola svizra a Milaun vegnan a preschentar quest di il chantun or da lur optica. Perquai fan ellas ed els ordavant in gir fotografic tras il Grischun.

En il rom da las preparativas dal chantun Grischun sco chantun partenari dal pavigliun svizzer a l'Exposiziun mundiala Milaun 2015 ha la direcziun chantunala dal project envidà nov maturandas e maturands da la scola svizra a Milaun a far in gir fotografic tras il Grischun. A chaschun da lur visita da mesemna, ils 19, fin dumengia, ils 23 da mars 2014, vegnan las scolaras ed ils scolars a registrar in maletg dal Grischun or da lur optica. Ils resultats da questa lavur vegnan preschentads a la publicitad il di grischun, ils 9 da matg 2014, a Milaun en il rom dal "Giro del Gusto", la turnea svizra tar l'Expo.

La SATE da Cuira ha surpiglià l'incumbensa dal chantun da planisar e da realisar ils detagls da quest project. Las scolaras ed ils scolars da Milaun vegnan manads ensemen cun studentas e students dal studi "Multimedia Production" da la SATE e cun sustegn professiunal da las docentas e dals docents en 18 differents lieus dal Grischun per far là lur reportaschas fotograficas. Mesemna, ils 19 da mars 2014, vegnan ellas ed els ad arrivar vers saira en Engiadina ed a passentar là ina notg. Las ulteriuras notgs fin dumengia, ils 23 da mars 2014, vegnan ellas ed els a passentar en il Plantahof a Landquart. Da là van ellas ed els en tut las regiuns dal Grischun. 
 

Remartga:
Las collavuraturas ed ils collavuraturs da las medias ch'èn interessads èn envidads d'accumpagnar per part las maturandas ed ils maturands da la scola svizra a Milaun sin lur gir fotografic tras il Grischun. Il manader chantunal da project coordinescha quests accumpagnaments.
 

Infurmaziuns:
Markus J. Haltiner, manader dal project "Expo Milaun 2015", uffizi per economia e turissem, tel. 081 257 23 10, telefonin 079 467 14 64, e-mail: markus.haltiner@awt.gr.ch  
 

Gremi: direcziun dal project "Expo Milaun 2015" / uffizi per economia e turissem
Funtauna: rg direcziun dal project "Expo Milaun 2015" / uffizi per economia e turissem
Neuer Artikel