Cuntegn da la pagina

Termagls

  • Erste Mitteilung
  • Neuen Beitrag einfügen
La nova exposiziun speziala dal museum retic a Cuira è deditgada al tema "Termagls". L'exposiziun cun giugarets dal 19avel e 20avel tschientaner dura dals 16 da matg fin ils 28 da settember 2014. Ina impressiun da l'exposiziun dat in nov video da la chanzlia chantunala dal Grischun sut www.gr.ch.

Ina vatgina da lain entagliada dal bab u ina stivina bain equipada, in urset u la pli nova consola da gieus: Objects che fan traglischar ils egls dals uffants datti blers. En l'exposiziun speziala mussa il museum retic sia ritga collecziun da giugarets dal 19avel e 20avel tschientaner. La collecziun raquinta dal cumenzament da l'industria da giugarets. Quests emprims products pudeva sa prestar mo ina minoritad. Ma ella raquinta er dal fatg, co che tut ils auters han fatg termagls cun giugarets fatgs sez. Uschia reflecteschan ils giugarets adina er in pau da l'istorgia sociala ed economica, ed er las valurs ed ils ideals da lur temp.
Giugarets sveglian emoziuns, betg mo tar ils uffants, mabain er tar las persunas creschidas. En l'exposiziun raquintan persunas da tuttas vegliadetgnas en numerus purtrets, cun tge giugarets ch'ellas han ina relaziun speziala. Ultra da quai vegnan illuminads ils gieus classics e lur istorgias. Sin il plaun sut il tetg stat a disposiziun in grond dumber da gieus per empruvar ora e per sa participar. 

Remartga:
Il video davart quest tema stat a disposiziun sut www.gr.ch
 

Infurmaziuns:
Andrea Kauer Loens, Manadra dal project per l'exposiziun speziala museum retic, tel. 081 257 48 40


Gremi: museum retic
Funtauna: rg museum retic
Neuer Artikel