Cuntegn da la pagina

Elecziuns cirquitalas – preavis per il segund scrutini e per l'elecziun cumplementara dals 15 da zercladur 2014

  • Erste Mitteilung
  • Neuen Beitrag einfügen
En l'emprim scrutini da las elecziuns cirquitalas dal Grischun n'han betg pudì vegnir occupads tut ils sezs dumengia, ils 18 da matg 2014. Per quest motiv han lieu dumengia, ils 15 da zercladur 2014, in segund scrutini respectivamain en in circul in'elecziun cumplementara. Ils 15 da zercladur 2014 ston vegnir elegids:
  • circul da Suot Tasna: Pervia da l'elecziun da Jon Domenic Parolini ils 18 da matg 2014 tant en la regenza sco er en il cussegl grond ha lieu in'elecziun cumplementara per il sez en il cussegl grond.
  • circul da la Foppa e circul da Claustra: En ils circuls da la Foppa e da Claustra sto anc vegnir occupà mintgamai in sez.
  • circul da la Razén e circul da Sur Tasna: En il circul da Razén ston vegnir elegids dus ulteriuras suppleantas u ulteriurs suppleants al cussegl grond, en il circul da Sur Tasna anc ina suppleanta u in suppleant al cussegl grond. 
Ils resultats dals circuls vegnan publitgads dumengia, ils 15 da zercladur 2014, sin www.gr.ch/kw. Ils resultats enconuschents vegnan rendids publics tras ina communicaziun a las medias e sur Twitter (#GR14). 


Infurmaziuns:
Walter Frizzoni, vicechancelier, tel. 081 257 22 22, e-mail Walter.Frizzoni@staka.gr.ch  


Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel