Cuntegn da la pagina

La regenza dal chantun Berna sin visita en il Grischun

  • Erste Mitteilung
  • Neuen Beitrag einfügen
Sin invit da la regenza grischuna visita la regenza dal chantun Berna dapi ier il chantun Grischun.

A chaschun da sia visita da dus dis en il chantun Grischun vegn la delegaziun dal chantun Berna manada dal president da la regenza Hans-Jürg Käser. El vegn accumpagnà da la vicepresidenta da la regenza Beatrice Simon-Jungi, da dunna cussegliera guvernativa Barbara Egger-Jenzer e dals cussegliers guvernativs Philippe Perrenoud, Bernhard Pulver, Andreas Rickenbacher, Christoph Neuhaus sco er dal chancelier Christoph Auer.

Ils giasts èn vegnids beneventads ier suentermezdi dal president da la regenza Martin Jäger en la scola media evangelica a Schiers. Là è vegnida discutada la scolaziun a las scolas medias privatas en il Grischun. Oz stat in'excursiun sin l'Alp Sardasca sin il program. Là e durant la spassegiada enavos a Claustra vegn preschentà in project da sanaziun dals donns da malaura da l'avust 2005.

La visita da la regenza dal chantun Berna serva en emprima lingia a tgirar las relaziuns amicablas ed a barattar experientschas sin ils champs da la cultura, da l'economia e da la politica.

Fotografias:
-
Il president da la regenza Martin Jäger (a sanestra) beneventa il president da la regenza dal chantun Berna Hans-Jürg Käser en il Grischun.

-
Las duas delegaziuns cun ils presidents da las regenzas Hans-Jürg Käser (Berna) e Martin Jäger (Grischun), (entamez).

Gremi: regenza
Funtauna: rg chanzlia chantunala dal Grischun
Neuer Artikel