Navigation

Inhaltsbereich

  • Erste Mitteilung
  • Neuen Beitrag einfügen
La regenza grischuna nominescha Regula Hunger sco successura da Daniel Spadin. Ella daventa secretaria dal departament da giustia e segirezza.

L'advocata dr. iur. Regula Hunger che ha 36 onns vegn a cumenzar per il 1. da fanadur 2017 la plazza sco secretaria dal departament da giustia e segirezza. Ella remplazza Daniel Spadin che la regenza ha elegì l'onn passà sco nov chancelier.

Regula Hunger ch'è creschida si a Cuira ha studegià giurisprudenza a las universitads da Turitg e da Genevra ed ha doctorà a l'universitad da Turitg. L'onn 2012 è ella s'acquistada la patenta d'advocata dal Grischun. Suenter in'experientscha professiunala da plirs onns en l'administraziun publica ed en la dretgira lavura ella dapi l'onn 2014 sco manadra da project per dumondas da giustia en il departament da giustia, segirezza e sanadad.

La secretaria dal departament sustegna il schef dal departament da giustia, segirezza e sanadad (DGSS) en dumondas specificas e politicas sco er en la gestiun, en l'organisaziun ed en la controlla e garantescha in andament optimal da las fatschentas en ils secturs da la giustia e da la segirezza.

-


Infurmaziuns:
Cusseglier guvernativ Christian Rathgeb, schef dal departament da giustia, segirezza e sanadad dal Grischun, tel. 081 257 25 01, e-mail Christian.Rathgeb@djsg.gr.ch


Gremi: regenza
Funtauna: rg chanzlia chantunala dal Grischun
Neuer Artikel