Navigation

Inhaltsbereich

  • Erste Mitteilung
  • Neuen Beitrag einfügen
Il cusseglier guvernativ Christian Rathgeb ha elegì Padruot Salzgeber sco nov directur dal stabiliment giudizial avert Realta. En questa funcziun è Padruot Salzgeber cumpetent per manar il stabiliment giudizial avert a Realta e commember da la direcziun da l'uffizi per l'execuziun giudiziala.

Il cusseglier guvernativ Christian Rathgeb, schef dal departament da giustia, segirezza e sanadad, ha elegì Padruot Salzgeber sco nov manader dal stabiliment per l'execuziun giudiziala Realta a Cazas. Padruot Salzgeber ha 47 onns. En questa funcziun fa el er part da la direcziun da l'uffizi per l'execuziun giudiziala. Actualmain è Padruot Salzgeber manader dal bain puril e substitut dal directur. El è successur da Jürg Räber che vegn a surpigliar – en il rom d'in pensiunament parzial e sco manader da project – l'incumbensa d'etablir il manaschi dal nov stabiliment giudizial serrà.

Il stabiliment per l'execuziun giudiziala Realta, ina partiziun da l'uffizi per l'execuziun giudiziala, è cumpetent per l'execuziun averta da chastis d'umens creschids. Il concept d'execuziun permetta in'execuziun da chastis cun blera assistenza e bler tractament sco er il svilup da schanzas cun spezialisaziuns en ils secturs drogas, psichiatria, forensica e furmaziun. Il bain puril che vegn manà da Padruot Salzgeber porscha qua las bleras plazzas d'occupaziun per ils praschuniers.

-


Infurmaziuns:
Cusseglier guvernativ Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch


Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel