Zum Seiteninhalt

www.gr.ch – pli svelt, pli bain accessibel, pli varià

  • Erste Mitteilung
  • Neuen Beitrag einfügen
Il chantun Grischun ha concepì da nov sia cumparsa en l'internet. I na gioga nagina rolla, sche Vus sesais davant il computer u sche Vus As vulais procurar las infurmaziuns las pli novas cun il smartphone u cun il tablet. In nov design pussibilitescha in divertiment da navigaziun illimità tras la purschida d'infurmaziun dal chantun che cumpiglia 56 000 paginas.

Entant che 1,2 milliuns visitadras e visitaders han tschertgà l'onn 2009 infurmaziuns sin las paginas d'internet dal chantun, èn quai oz var 4 milliuns per onn u 11 000 per di. Per che quest svilup legraivel possia cuntinuar, ha il chantun investì fermamain en in nov design. Durant 9 mais èn 100 collavuraturas e collavuraturs da 45 unitads d'organisaziun han surlavurà ed a meglierà la purschida d'internet dal chantun. Per il sustegn extern èn vegnids pajads 260 000 francs, tut a firmas ed a persunas dal Grischun.

Centrala è ina nova funcziun da tschertga ch'è er opticamain dominanta en il content. Ella maina en moda simpla e svelta a las infurmaziuns giavischadas. Las paginas d'internet dal chantun frequentadas il pli savens pon vegnir avertas directamain cun in clic sin in icon. Tgi che vul s'orientar a temas, po ir sin sis quadrels surordinads cun ils temas "economia & taglias", "mobilitad & traffic", "construcziun & planisaziun", "energia & ambient", "sanadad & prevenziun" sco er "furmaziun & perscrutaziun".

Il resultat da la tschertga èn infurmaziuns ch'èn concepidas en differentas modas e manieras per ils basegns da la clientella. Quai pon esser texts, fotografias, graficas u er videos. Concepidas flexiblamain n'èn betg mo las purschidas, mabain er la tscherna dals meds per consumar questas purschidas. Perquai che paginas d'internet vegnan ozendi clamadas si per gronda part d'apparats mobils, pussibilitescha in design d'internet responsiv in confort d'utilisaziun che resta il medem independentamain da l'apparat duvrà.

-

La mobilitad ed er l'access senza barrieras èn centrals. Ma er ina gronda sveltezza da navigar è impurtanta. Envers la soluziun vertenta è l'access a las infurmaziuns 3 fin 4 giadas pli svelt. Las paginas d'internet resguardan las linguas chantunalas ed en tscherts cas er l'englais. Las purschidas plurilinguas vegnan extendidas permanentamain, ils cuntegns ed ils standards tecnics sviluppads vinavant. Quai che Vus utilisais oz, po damaun gia avair dapli cuntegn ed esser pli varià.

E sche insatge na funcziuna betg l'emprima giada, empruvai anc ina segunda u terza giada. Sch'ils problems na sa laschan betg schliar, As drizzai a noss servetsch da medias. Quel As gida gugent. El prenda er encunter propostas per meglierar la purschida (tel. 081 257 22 18, e-mail Mediendienst@gr.ch).


Infurmaziuns:
Chancelier dr. Claudio Riesen, chanzlia chantunala dal Grischun, tel . 081 257 22 21, e-mail Claudio.Riesen@staka.gr.ch


Gremi: chanzlia chantunala dal Grischun
Funtauna: chanzlia chantunala dal Grischun  
Neuer Artikel

Video