Zum Seiteninhalt

Sanaziun en etappas da la Promenade a Tavau fin l'onn 2021

  • Erste Mitteilung
  • Neuen Beitrag einfügen
L'onn 2016 ha l'uffizi da construcziun bassa dal Grischun cumenzà a sanar en etappas la Promenade. En quest connex remplazza ed amplifitgescha la vischnanca da Tavau er ils conducts d'ovra. Per quest onn prevesa ella en spezial las lavurs da reparaziun da las duas etappas Belvédère e Seehof.

La via chantunala tras Tavau (Promenade) è vegnida sanada en moda cumplessiva per l'ultima giada avant passa 30 onns e na correspunda perquai betg pli als standards actuals. Il fundament da la via na po betg pli purtar las tonnaschas ed il corpus da la via demussa donns sco er defurmaziuns. Pervia da questas mancanzas èsi – tenor l'avis da l'uffizi da construcziun bassa dal Grischun – inevitabel da sanar la Promenade.

A la vischnanca da Tavau dat l'impuls per las lavurs da construcziun – ultra da la via che sto vegnir sanada – dentant er il remplazzament urgentamain necessari dal conduct d'aua che deriva per part da l'onn 1930 sco er dals conducts da chanalisaziun e d'illuminaziun da las vias, che ston vegnir sanads.

Las etappas probablas da las lavurs da reparaziun fin l'onn 2021 sco er ils detagls dals projects da construcziun da l'onn 2017 sa chattan sin il fegl d'infurmaziun da l'uffizi da construcziun bassa dal Grischun.

Fotografia agiuntada:
-
Lavurs da construcziun a la Promenade durant l'onn 2016


Infurmaziuns:
- projects da construcziun uffizi da construcziun bassa dal Grischun:
Roger Stäubli,schef da la construcziun da vias, uffizi da construcziun bassa dal Grischun, tel. 081 257 38 42, e-mail: Roger.Staeubli@tba.gr.ch

- projects da construcziun vischnanca da Tavau:
André Fehr, manader da l'uffizi da construcziun bassa e mainagestiun VBD, tel. 081 414 30 90, e-mail: tiefbauamt@davos.gr.ch


Gremi: uffizi da construcziun bassa
Funtauna: rg uffizi da construcziun bassa
Neuer Artikel