Zum Seiteninhalt

La regenza dal chantun Turitg sin visita en il Grischun

  • Erste Mitteilung
  • Neuen Beitrag einfügen
Sin invit da la regenza grischuna ha la regenza dal chantun Turitg visità oz il chantun Grischun.

A chaschun da sia visita dal chantun Grischun è la delegaziun da Turitg vegnida manada dal president da la regenza Markus Kägi. Accumpagnà è el vegnì da las cusseglieras guvernativas Carmen Walker Späh, Silvia Steiner, Jacqueline Fehr, dals cussegliers guvernativs Mario Fehr, Thomas Heiniger ed Ernst Stocker sco er dal chancelier Beat Husi.

Ils giasts èn vegnids beneventads oz a bun'ura tar la Viafier retica a Landquart. Sin il program da la visita è stada la preschentaziun da la viafier da muntogna e da sia impurtanza turistica sco er l'inspecziun dals lavuratoris e dals deposits. Silsuenter èn ils commembers da la regenza ids a gentar en il Signuradi. Il suentermezdi ha gì lieu in tur tras il museum d'art dal Grischun.

La regenza grischuna ha visità il chantun Turitg l'onn passà. La visita e la cuntravisita da la regenza dal chantun Turitg servan en emprima lingia a tgirar las relaziuns amicablas ed a barattar experientschas sin ils champs da la cultura, da l'economia e da la politica.

Fotografias agiuntadas:-
La presidenta da la regenza grischuna Barbara Janom Steiner ed il president da la regenza da Turitg Markus Kägi.
-
Las delegaziuns dal Grischun e dal chantun Turitg cun la presidenta da la regenza dal Grischun Barbara Janom Steiner ed il president da la regenza da Turitg Markus Kägi (amez) davant il museum d'art dal Grischun a Cuira.


Gremi: regenza
Funtauna: rg chanzlia chantunala dal Grischun
Neuer Artikel