La presidenta da la regenza grischuna Barbara Janom Steiner ha pudì beneventar oz durant la sesida da la regenza en la chasa grischa a Cuira il chancelier federal Walter Thurnherr ad ina discussiun.

Temas da discussiun èn stads la rolla da la chanzlia federala en relaziun cun las regenzas chantunalas, dumondas da la represchentanza d'interess chantunals envers la confederaziun, rumantsch sco lingua da publicaziun sco er la collavuraziun en projects impurtants da digitalisaziun sco per exempel e-voting.

Ord vista da la regenza è il barat d'opiniuns cun la confederaziun ed en spezial cun il chancelier federal impurtant. Quest barat serva a la tgira da relaziuns e permetta en spezial er la discussiun detagliada davart dumondas d'interess cuminaivel.

Suenter la part uffiziala da la scuntrada è in gentar cuminaivel stà sin il program.

Fotografia agiuntada: La presidenta da la regenza Barbara Janom Steiner retschaiva en la chasa grischa a Cuira il chancelier federal Walter Thurnherr.


Gremi: regenza
Funtauna: rg chanzlia chantunala dal Grischun