Zum Seiteninhalt

Midada en la direcziun dal museum d'art dal Grischun

  • Erste Mitteilung
  • Neuen Beitrag einfügen
Pervia d'ina restructuraziun gia daditg planisada ha cusseglier guvernativ Martin Jäger decidì, en coordinaziun cun l'uffizi da cultura dal chantun Grischun, da reorganisar la direcziun dal museum d'art dal Grischun. A partir d'immediat surpiglia Stephan Kunz da nov la posiziun dal curatur principal e surdat sia funcziun sco directur a Nicole Seeberger che surpiglia per entant ad interim per 12 mais la direcziun dal museum d'art dal Grischun.
Nicole Seeberger lavura dapi l'onn 2009 en il museum d'art dal Grischun a Cuira. Avant ha ella lavurà plirs onns en la chasa d'art a Zug. Sper sias activitads da museum vastas e multifaras ha ella plirs onns experientscha sco curatura ed è
co-manadra d'in local d'art a Winterthur. Ella è commembra da la cumissiun spezialisada dal local d'art Engländerbau a Vaduz en il Principadi da Liechtenstein e da la visarte.grischun. Nicole Seeberger che ha 36 onns ha promovì davart in artist concepziunal contemporan a l'universitad da Turitg. Ella deriva oriundamain da Zug e viva oz a Cuira.

Fotografia agiuntada:
-
Nicole Seeberger


Infurmaziuns:
cusseglier guvernativ Martin Jäger, schef dal departament d'educaziun, cultura e protecziun da l'ambient, tel. 081 257 27 01, e-mail: Martin.Jaeger@ekud.gr.ch


Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient
Neuer Artikel