Zum Seiteninhalt

Simplas mesiras da protecziun cunter ils mustgins-tigher

  • Erste Mitteilung
  • Neuen Beitrag einfügen
La stad n'ans ruinan betg da rar mustgins las sairas miaivlas en l'iert u ans priveschan dal ruaus da notg bain merità. L'onn passà ha l'uffizi per la natira e l'ambient ussa er anc constatà la preschientscha da singuls mustgins-tigher en il Grischun dal sid. Cun simplas mesiras da protecziun po la populaziun sa proteger cunter quests cunabitants nunenvidads.

Il mustgin-tigher – ina spezia da mustgin exotica ed invasiva – stat, ultra da la mulesta tras sias morsas dischagreablas, en il focus cunzunt sco transmettur potenzial da malsognas infectusas (tropicas). Per la populaziun en ils territoris pertutgads èsi impurtant ch'ella saja sensibilisada per la tematica ed oravant tut er per simplas mesiras da prevenziun.

Ils mustgins-tigher han lur gnieus en pitschnas accumulaziuns d'aua stagnada. Da quai resulta er in'emprima mesira da protecziun realisabla facilmain cun sientar regularmain talas pitschnas accumulaziuns d'aua (vasas da flurs al liber, sutvaschs e.u.v.).

Co pon ins cumbatter cunter mustgins-tigher?
- Da l'avrigl fin il settember stuessi vegnir evità che recipients che pudessan s'emplenir cun aua, survegnian aua: als volver sin il chau u als depositar sut in tetg.
- Sutvaschs, batschigls d'uffants, bavraduirs e.u.v. ston sientar almain ina giada l'emna.
- Butschins per aua da plievgia stuessan vegnir serrads ermeticamain ed averts mo, sch'i plova.
- En puzs ed en auas currentas na po il mustgin-tigher betg sa sviluppar: peschs ed amfibis maglian las larvas.
- Las larvas dal mustgin-tigher pon er sa sviluppar en sfessas u en foras, che cuntegnan aua: emplenir cun sablun.

-

Ulteriuras infurmaziuns davart il tema dal mustgin-tigher chattais Vus en la communicaziun a las medias da la chanzlia chantunala dal Grischun ed en il suandant video.


Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel

Ils mustgins-tigher en il Grischun