Zum Seiteninhalt

Inoltraziun da la dumonda per contribuziuns da scolaziun 2017/18

  • Erste Mitteilung
  • Neuen Beitrag einfügen
Il chantun Grischun paja contribuziuns da scolaziun en furma da stipendis u d'emprests da daners. Quai fa el en il rom da la lescha chantunala davart las contribuziuns da scolaziun. A partir da l'onn da scola pon puspè vegnir inoltradas dumondas.

Tut las persunas che sa chattan en ina scolaziun pon dumandar stipendis u emprests chantunals. Las contribuziuns da scolaziun dependan da plirs facturs ed èn perquai fitg individualas. La dumonda da stipendis stat a disposiziun sco formular electronic. Per emprests da daners po vegnir dumandà in formular sin palpiri tar il servetsch per stipendis.

Ulteriuras infurmaziuns davart stipendis e davart emprests da daners sco er datas e termins impurtants per inoltrar las dumondas stattan a disposiziun sin la pagina d'internet dal servetsch per stipendis www.stipendien.gr.ch.

In nov video da la chanzlia chantunala dal Grischun mussa en furma simplifitgada, co ch'ina dumonda da stipendis stuess vegnir inoltrada.


Infurmaziuns:

Pino Dettli, manader finanzas & controlling, departament d'educaziun, cultura e protecziun da l'ambient, tel. 081 257 20 90, e-mail Pino.Dettli@fc.gr.ch


Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient
Neuer Artikel

Stipendis ed emprests da daners