Zum Seiteninhalt

Nova secretaria dal departament da sanadad

  • Erste Mitteilung
  • Neuen Beitrag einfügen
La regenza grischuna nominescha Nicola Katharina Kull sco successura da Gion Claudio Candinas e pia sco nova secretaria dal departament da sanadad.

L'advocata da 35 onns, Nicola Katharina Kull, MBA SPF SCM, vegn ad entrar en plazza sco secretaria dal departament per il sectur da sanadad il 1. da december 2017. Ella remplazza il secretari dal departament da plirs onns Gion Claudio Candinas che va en pensiun la fin da november 2017.

Nicola Katharina Kull ch'è creschida si a Turitg ha studegià giurisprudenza a l'universitad da Lucerna. Suenter ha ella lavurà plirs onns en differentas posiziuns directivas da l'economia privata. Suenter in praticum en in'advocatura ha ella acquistà l'onn 2016 la patenta grischuna d'advocata. Actualmain lavura ella sco giurista tar ina interpresa activa sin plaun internaziunal.

La secretaria da departament sustegna il schef dal departament da giustia, segirezza e sanadad (DGSS) en tut las dumondas tematicas sco er en la gestiun, en l'organisaziun, en la coordinaziun ed en la controlla dal sectur dal departament che pertutga la sanadad.

Fotografia agiuntada:
-


Infurmaziuns:
cusseglier guvernativ dr. Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch


Gremi: regenza
Funtauna: rg chanzlia chantunala dal Grischun
Neuer Artikel