Zum Seiteninhalt

La regenza dal Tirol dal sid sin visita en il Grischun

  • Erste Mitteilung
  • Neuen Beitrag einfügen
La regenza da la provinza autonoma Bulsaun‑Tirol dal sid ha visità oz – sin invitaziun da la regenza grischuna – il chantun Grischun. A chaschun dal discurs da lavur constructiv sin Muottas Muragl èn vegnids tractads differents temas transcunfinals.

Il panorama da l'Engiadin'ota ha dà in bel rom als discurs da lavur tranter las regenzas da Bulsaun‑Tirol dal sid e dal Grischun. In tema è stà tranter auter il provediment medicinal en territoris perifers. Per la regenza grischuna è la scuntrada ultra da quai stada ina buna occasiun per discurrer cun il vischin davart las sfidas en l'assistenza, en la collocaziun ed en l'integraziun da las requirentas e dals requirents d'asil sco er da las requirentas e dals requirents d'asil minorens betg accumpagnads (RMBA). Plinavant ha la collavuraziun en il traffic public transcunfinal procurà per in barat interessant.

Suenter il discurs da lavur èn in gentar cuminaivel ed ina visita en l'hotel plusenergetic Muottas Muragl stads sin il program. Il barat d'opiniuns che ha lieu mintga onn tranter las regenzas da Bulsaun‑Tirol dal Sid e dal Grischun è daventà tradiziun. Dapi 1999 sa scuntran las regenzas regularmain per discurs da lavur.

Fotografia:
-
Il guvernatur Arno Kompatscher e la presidenta da la regenza dal Grischun Barbara Janom Steiner.

 

-
Las regenzas da la provinza autonoma Bulsaun–Tirol dal sid e dal chantun Grischun a lur scuntrada a Samedan.



Gremium: Regierung
Quelle: dt Standeskanzlei Graubünden
Neuer Artikel